|
Trajnimi "Demokracia dhe Antikorrupsioni" tek nxënësit e Shkollës së Mesme "28 Nëntori" në Shkodër
Në kuadër të projektit "Antikorrupsioni", qëndra "Youth Act Albania" zhvilloi
trajnimin "Demokracia dhe Antikorrupsioni" tek nxënësit e Shkollës së "Mesme 28 Nëntori" në Shkodër.
Me anë të këtij trajnimi nxënësit u informuan për format si shfaqet korrupsioni dhe mënyrat se si të luftohet
nga të rinjtë, me vlerat demokratike që promovojnë sjelljen etike dhe me integritet të individit, si edhe me
avantazhet që sjell aktivizimi dhe pjesëmarrja e tyre për të krijuar një shoqëri të drejtë dhe mundësi të
barabarta për të gjithë.
Nxënësit që u bën pjesë e projektit do jenë promovuesit e kulturës së "Antikorrupsionit" tek shkolla
e tyre, dhe do i ofrohet asistencë dhe mbështetje e vazhdueshme me literaturë dhe ide inovative
nga stafi i qëndrës "Youth Act".
Me këtë projekt, qëndra "Youth Act" synon të fuqizoj rininë duke promovuar vlerat dhe kulturën
demokratike, sjelljen etike dhe me integritet tek të rinjtë, si edhe krijimin e mundësive të
barabarta për një shoqëri të lirë dhe të drejtë që mund te sjell një zhvillim të qëndrueshëm
social, ekonomik dhe politik në Shqipëri.
|
|